Chamonixeko Mer de Glace glaziarra izan da abiapuntu. Eta nolabait bihurtu du zuzendaria artearen historiako katebegi. Carusen marrazki batek inspiratu zuen Friedrich glaziarra margotzeko. Friedrichen glaziarraren margoak inspiratu zuen margolari ezezaguna. Eta hauek guztiek, norberak dionez, inspiratu zuten Lazkano. «Gaztetan inguru haietan ibili ginen, eta Friedrichen marrazki batek txinparta sortu zidan» aitortu du margolari bergararrak. 

Animaziozko film labur sakona da ‘Natura Fugit’ eta sortzaileak berak azaldu du «bidaia fisikoa» dela, baina «baita kontzeptuala eta etikoa ere». Lazkanok onartu du egia dela irudiek edertasuna dutela, «baina horren atzean badago drama bat, bi kontzeptu horien artekoa talka islatu nahi izan dugu».