«Tentsioa» zegoen Noaingo Udalbatzan astelehen iluntze honetan. Hala azaldu du NAIZ Irratian Jon Oiarzun alkate makila hartu duen Aldatu taldeko kideak. UPNk biztanleriari dagokionez bere eskutan zegoen hirugarren udal garrantzitsuena galdu du eta haserre hitz egin dute alderdiko buruek. Udal gobernu berriak herritarren bizkar aritzea egotzi dio aurreko alkateari eta gardentasunean oinarritutako garai berria iragarri du.