Egun ederra bizitzeko aukera izango da Apirilaren 12an Zizurkilen. Euskadiko Txapelketa hartuko du Zizurkilgo Duatloiak, eta honekin batera egitarau polita dago antolatuta parte-hartzaile, bolondres, zein bertara gerturatzen direnentzako. Eneko Agirre Zizurkilgo Duatloiko antolatzailea eta Andoni Usandizaga Duatloiko arduradun nagusia izan dira NAIZ irratian, eta hauxe nabarmendu dute: «Zizurkil herri txikia da, baina oso inplikatua». Egunean bertan sekulako mugimendua izaten dela gaineratu dute, eta ez da girorik faltako.

Arratsaldeko 16:15ean abiatuko da proba gizonezkoen irteerarekin, bost minutu beranduago egingo dute emakumezkoek. Nabarmentzekoa ere, Agirre eta Usandizagaren ahotan, «urtetik urtera gora egiten ari dela emakumezkoen parte-hartzea». Sari banaketaren ostean festarako aukera ere izango da, 'Black Smoke'-ek girotua.