NEREA:
Egun on, Ander!

ANDER:
Baita zuri ere, Nerea.

NEREA:
Zuri bidaiatzea gustatzen al zaizu?

ANDER:
Izugarri! Askotan, bidaiatzeko, ez dut nahi adina denbora izaten, baina ahal den neurrian saiatzen naiz txango txikiak egiten.

NEREA:
Niri inbidia handia sortzen dit lauzpabost hilabete bidaiatzen igarotzen duen jendeak.

ANDER:
Nik ez dakit etxetik urrun hainbeste denbora pasatuko nukeen.

NEREA:
Ez zinateke urte betez bidaiatzera joango?

ANDER:
Ez dakit ba! Ondo pentsatu beharko nuke nora joan eta nola mugitu leku hartan. Gainera, denbora luzez bidaiatzeko, diru asko behar da.

NEREA:
Nik belauntzi bat hartu eta urtebete emango nuke gustura batetik bestera.

ANDER:
Nik egitekotan, nahiago lurretik izan!

NEREA:
Badira lurretik bidaiatzeko modu originalak!

AUDIOA - Ugandara bidaia

ANDER:
Original bezain gogorra bizikleta gainean ikasturte osoa ematea. Anderrek argi esan du Ugandara bizikletaz egindako bidaian zeharkatutako herriak zailak izan zirela.

NEREA:
Herrialdeak zailak izateaz gain, ez da inolaz ere erraza izango tandem baten gainean bidaiatzea.

ANDER:
Anderrek herrialde zailak zeharkatu eta oso momentu zailak bizi izan dituztela ere aipatu du. Bueltako hegaldiaren eguna noiz iritsi egon omen dira.

NEREA:
Gorputzarentzat ere ez da makala izango bizikletaren gainean hain denbora luzea pasatzea.

ANDER:
Ziur ipur-masailek nabarituko dutela hori!

NEREA:
Ander ohituta dago bizikleta gainean ibiltzen, urtetan aritu baita afizionatuetan, baina tandem-a aukeratu zuen Garbirekin batera, eta hori ere erronka latza izan da.

ANDER:
Ziur ikasteko aukera ere emango ziola.

 

AUDIOA | Ugandara bidaia

NEREA:
Berak dioenez, kostatu zaio ikastea, baina zerbait ikasi izana espero du.

ANDER:
Bizikleta gainean egitura erabili dugu askotan.

NEREA:
Gauzen edo pertsonen kokapena adierazteko izen bizigabeekin bi aukera ditugu:

ANDER:
Bizikleta gainean edota bizikletaren gainean; itsasontzi barruan edo itsasontziaren barruan.

NEREA:
Denak dira zuzenak, beraz, edozein erabil dezakegu.

ANDER:
Hori bai! Hau, hori edo hura, erakusleak erabiliko bagenitu, NOREN deklinabidean deklinatuko genuke. Bizikleta honen gainean.

NEREA:
Nik bizikletaz bidaiatu baino, nahiago nuke itsasontzi baten barruan egin.

ANDER:
Nik berriz globo baten barruan bidaiatuko nuke.

NEREA:
Garraiobidea, edozein delarik ere, bidaiatzen jarraitu nahi genuke, ezta? Anderrek ere azken esperientzia hau gogorra izan den arren, bidaiatzen jarraituko duela esan du.

ANDER:
Beti ikasten baita zeozer.