Martxoaren 8aren testuinguruan, zaintza sistema publikoa aldarrikatzeko eta zaintza langileen lan baldintza duinak eskatzeko elkarretaratzeak eginen dituzte. Nagore Iturriotzek, Steilas sindikatuko kideak, aldarrikapen hauek «lehen lerroan» jarri nahi dituztela azaldu du. Emakumeen eta zaintza langileen bizitza «prekarioa» dela azpimarratu du, eta horri aurre egiteko zenbait neurri aldarrikatuko dituzte: «30 lan orduko astea eta pribatizazioaren kontrako neurriak  hartu behar dira».

2023ko greba feminista ondotik agente ezberdinek gobernuekin bilerak eskatu zituzten. Garai horretan bilera bat egon zela adierazi du Iturriotzek; dena den, «etekinik gabeko» bilera izan zen. «Ez zen benetako hartuemanik egon», salatu du. Gobernu ezberdinek aldarrikapenak eta mezuak «modu propagandistikoan» bereganatzen dituztela kritikatu du, gobernuen jarrera «itxurakeria»tzat hartuz.