49 urte bete dira Martxoak 3ko Gasteizko sarraskitik. Estatuko Polizia Armatuak lau mila langile tiro eta ke-pote artean irtenarazi zituen Zaramaga auzoko San Francisko elizatik. Bost langile hil zituzten, eta 100 bat zauritu. 1976. urtean odolez jantzi zen lur berbera zapaldu du NAIZ Irratiak, Martxoak 3 elkarteko Lander Garciarekin batera.

Oroimen eguna izateaz gain, «langile borrokan eroritako lagun eta senideak gogoratzeko» eguna dela aldarrikatu du Lander Garciak. Baina batez ere, «borroka horien ispiritua bizirik mantentzeko eguna». «Justizia sozialaren alde eta, nola ez, inpunitatea salatzeko eguna da».