Mende erditik gora du Mundakako aratusteari soinu banda ezartzen dion kantuak eta hala dio bere hitzetan, «Aratustez aratuste, mundakarrentzat egun hobarik ez». Ez da esan hutsa, egungo protagonistek ere hala bizi baitute, «batzuentzat sanferminak direna dira guretzat aratusteak», diote NAIZ Irratiaren mikrofonoetan. 

Atorrak eta lamiak dira protagonista, urtero «okasiorako» egin ohi duten kantua errelatogile, eta herri oso bat aratusteen erdigune. ‘Herri inauteriak, iragana ate joka’ podcastean Mundakara goaz.