Eneko Anduezak PSE-EEeko idazkari nagusi izaten jarraituko du. Hala berretsi dute alderdiaren hamargarren kongresuan. Bere gertauko jendea hautatu du Anduezak datozen urteetarako: Cristina Gozalen izango da alderdiko presidente berria, berreskuratu berri duten postuan. Paul Blasi programa eta eta ikerketa idazkariari «sinbolikoki indartsua» iruditzen zaio irudia. Postu horrek zenbait mezu dakartzala azpimarratu du: «emakumea eta arabarra da. Alderdi Sozialistak araban duen gero eta indar handiagoaren isla».

Anduezak larunbateko saioan esan zuena gogoratuz, adierazi du batzuetan badirudiela «Alderdi Sozialista gehiengoak bermatzeko bakarrik dagoela», baina benetan uste dutela «paper garrantzitsua dutela gobernuetan». Honekin batera, Talgoren kasuan PSEk izan duen eragina nahi izan du nabarmendu. «Lan isilean, baina garrantzitsua izan da alderdiaren papera negoziaketetan».

Erabakitzeko eskubideaz

Azken aldian Alderdi Sozialistak euskal gizartean izan duen nahasmasa handienetako bat izan da erabakitze eskubidearen inguruan duen iritziarena, estatus berriaren eztabaidak gora-behera. Paul Blasi tinko mantendu da alderdiaren iritziarekin. «Hor dago desadostasun bakarra, autodeterminazioan. Ez dadila izan estatus berri bat eztabaidatzeko oztopoa. Utzi dezagun gaia eztabaidatik kanpo».