Erle beltzaren inguruan hitz egin digu Jauregik. «Badago bertako arraza bat, egokitzen joan dena, bertan egokitutako erle arraza. Iruditzen zaigu arraza horren alde egin beharko litzakeela saiakera bat, behintzat gure alea hortik joateko». Erlea mehatxatuta dagoela ere esan digu. «Orokorrean erlea oso mehatxatuta dagoela esan digu Jauregik. «Orokorrean erlea oso mehatxatuta dago, baina erle beltza are gehiago; ekoizpen ekonomikoetatik eratorritako mehatxuak dira nagusiak».

Erleenganako zuen kuriositate horri oraindik ere eusten diola aitortu digu Jauregik. «Hasieran bi erlauntza jarri nituen eta biak hil zitzaizkidan. Erlean bizirik mantentzeko formazioa behar da». Garai batean erlea etxeko animalia modura hartzen zen baserrietan baina gaur egun beldurra zaiola erantsi du.

Ekoizpenaren inguruan, eztia erleek egiten dutela zehaztu du. «Erleek egiten duten hori ahalik eta gutxien hondatzen saiatzen gara eztia lortzeko prozesuan». Eztitik abiatuta, produktu ezberdinak ekoizten dituzte. «Inaxio gastronomiaren mundutik dator eta bere ikuspuntuak produktu ezberdinen sorrera ekarri du». 

Gaur egun Euskal Herriko puntu ezberdinetan dituzte erlauntzak. «Eguraldiaren baldintzek eragina dute erlauntzetan. Esate baterako, Nafarroa erdialdean ditugun erlauntzen eta Bedaion ditugunen egoera ez da berdina».

Entzun Mattin Jauregirekin Bigarren Kafean izan dugun solasaldia.