Zuzenean
Emakumezkoen futbolaren bidea, garapena eta erronkak, aztergai
Emakume Futbolarien I. Kongresua antolatu dute ostegun eta ostiral honetarako Irunen. Olatz Rivera epailea eta Maider Castillo eta Garbiñe Etxeberria jokalari ohiak eta kirol zuzendariak izan dira KirolHaria berezian.
Emakumezkoen futbolaren bidea, garapena eta erronkak, aztergai
Ostegun eta ostiral honetan emakumezkoen futbolaren iragana, oraina eta geroa izango dira aztergai Irungo Ficoban. Kongresuan erronka orokorrak aztertzeaz gain gai batzuetan sakontzeko aukera ere izango da. Besteak beste, lesioen arrisku faktoreak, talde teknikoen eta epaileen ingurukoak, emozioen lanketa eta sexu-indarkeria futbolean.
KirolHaria berezia eskaini du NAIZ Irratiak kongresu honen harira. Bere mikrofonoetan izan da Olatz Rivera epailea. Azken urteetan bere lanean izan den garapena azpimarratu du FIFAko epaileak, 28 urterekin hamar urteko ibilbidea egin du, dagoeneko.
Garbiñe Etxeberria Realeko kirol zuzendariak itxiko du kongresua ostiral arratsaldean. Ibilbide luzekoa da Etxeberria, jokalari gisa hiru Kopa baditu, adibidez, eta gaur egun kirol zuzendari gisa ahots nagusienetakoa da. Aurreratutakoa asko dela azpimarratu du, baina bide luzea dagoela egiteko.
Maider Castillo da aitzindarietako bat eta futbolaren garapenaz jardun du ostegun honetan Kongresuko lehen mahai inguruan. NAIZ Irratiko mikrofonoetan azken bi hamarkadetan izan den aldaketa azpimarratu du.
«Sistema berria atera bitartean, polita litzateke berdin sentitzen garenon dimisioak pilatzea»
Zein eragin du jarduera fisikoak gure ongizate psikologikoan?
«Derbiak eragindako tentsioarengatik, jokoa agian zikinagoa da; eraginkorrak izan behar dugu»
«Joko aldetik ez dugu hasiera ona egin, baina garaipen oso garrantzitsuak lortu ditugu»
«Udara honetan konfiantza eman zidaten eta maila ematen ari naiz»
