Askok nabarituko zenuten, kirola gehiegi maite ez duenak ere bai, jarduera fisikoa egitean gustora sentitzen dela bat, errealizatuta. Zalantzarik gabe, kirola egiteak eragina du gure ongizate psikologikoan, baina nola sortu ohitura osasungarriak? Nola laguntzen dute hauek gure osasun fisiko, mental eta sozialean? Galdera hauei, eta gehiagori, erantzunak bilatzen saiatu gara Aritz Olagoi kirol psikologoaren laguntzarekin.