Helduago, sakonago eta aldi berean inoiz baino jostari eta sentsualago dator Ainhoa Larrañaga bere lan berrian. 'Medusa' izeneko diskoa argitaratu berri du. R&B-tik Popera doazen doinuak proposatzen ditu abeslari eta aktoreak Chickjuarez musikari, konpositore eta ekoizleak ekoitzitako lanean.

Artistaren proiektu diskografiko berria Gorgonak greziar mitologian jasan zuen abusu eta tratu txarren historiatik abiatzen da. Narratiba honen bitartez, Larrañagak paralelismo bat egiten du bidegabekeriei aurre egin dieten pertsonen egungo esperientziekin, isilaraziak izan direnei ahotsa emateko beharra nabarmenduz.