Aizkoran hasi zenetik erabat nagusi da Nerea Arruti urnietarra. Bere hirugarren txapela eskuratu berri du Emakumezkoen Euskal Herriko Aizkolari Txapelketan, hirugarrena jarraian. Aise nagusitu da lehiatu dituen hiru edizioetan, baina oraindik ere zer hobetu baduela azaldu du Arrutik, «batez ere alderdi teknikoan». Emakumezkoen aizkolaritzaz galdetuta, «etorkizun oparoa» ikusten dio urnietarrak, eta «datozen urteetan halaxe jarrai dezala» espero du.