Zierbenatik, Muskiz begibistan, Arenako hondartza ikusgarrian izan da gaurko Kosta ala Kosta. 

Urte osoan Informazioaren Hariaren lehen edizioan izan ohi da Areitz Soroa baserri eskolako Ion Colino, gaur bertatik bertara izan dugu gurean; barazki ekologikoak eta udako gomendioak hizpide. 

Arraun denboraldi betean sartuta, Andrea Astudillo patroiak ere egin digu bisita eta musikarekin itxi dugu tartea, Maren izan baita gure setean. Gallartakoak disko berria ateratzeko lanetan ari dela aurreratu digu.