Nere Amak Maite du izena, baina benetan maite al nau? Nork nau ni maite? Maite zaituen norbaitek nola egin diezazuke hainbeste min? Eta maite al dezakezu hainbeste min egiten dizun norbait? Ez al dago Ama gorrotatzea gaizki? Hala dirudi, baina horrek ez du nere barreneko gorrotoa ezabatzen. Gorrotatzeko maite behar da, gorrotoa bera maitasunetik eratortzen delako. Amak bere maitasunarekin babesten nau, baina maitasun hori nere kaiola da.