Nola heldu da eskuin muturra Europako Parlamentuan jorratu beharreko politika askoren gainean bere diskurtsoa inposatzera? Ba hainbat gako daude, baina nekez lortuko zuen gaur egun aurreikusten zaion indarra edukitzera, eskuin kontserbadore tradizionalak diskurtso horren zati handi batekin bat egin izan ez balu, Ibai Azparren Gara eta Naizeko kazetariaren ustez.

Azparren bera izan da aipatu hedabideentzat EBko ekainaren 9ko hauteskunde kanpainan migrazio politiken jarraipena egin duena, eta atera dituen ondorio nagusiak partekatu ditu Naiz Irratian.