EiTBn bertan euskaraz egindako eztabaidarekin alderatuta zakarragoa izan da gaztelerazkoa. Imanol Pradales EAJko hautagaiak nabarmen aldatu du jarrera EH Bilduko Pello Otxandianoren aurka joz, Venezuelako eredua ezarri nahi izatea egotzi dio eta Sortuko militantea dela ekarri du gogora, iraganarekin lotu nahian edo. Eneko Andueza PSEko hautagaiak ere buruz burukoak bilatu ditu Otxandianorekin. 

Ez dute aurkitu zaratarako aurkaririk. Irabazitako eztabaiden bandera altxa du berriz hautagai independentistak, Osakidetzakoa nabarmen, eta akordio zabalen eta puntu komunen aldarria egin du apirilaren 21aren biharamunerako.