Minbiziaren Aurkako Elkarteak doako yoga onkologiko ikastaroa jarri du martxan. Saioak Tolosako Parashakti eskolan egingo dituzte, eta minbizi prozesua igarotzen ari diren herritarrentzat izango dira. Otsailaren 21ean hasiko dituzte saioak, eta apirilaren 10ean egingo dute azkena. Asteazkenero elkartuko dira, 11:15etatik 12:30era. Raquel Rodriguezek bideratuko ditu saioak, eta praktika honen onurez hitz egiten aritu da NAIZ Irratian.