«Errua, antsietatea, lotsa edo frustrazioa» eragin dezake sexu desira baxua dugula sentitzeak. Baina zer da desio maila baxua edukitzea? Idoia Sanchez Garcia erizainak zalantzak argitu dizkigu Bigarren Kafean. 

«Ez bagara gogoratzen noiz izan zen geure burua masturbatu genuen azken eguna edo bikoteak sexualki harremantzea proposatu eta horrek deseroso sentiarazten bagaitu» zerrenda luze bateko adierazleak izan daitezke. Horiek identifikatzea garrantzitsua da, baina gomendio nagusi bat eman digu Idoiak: «norbere burua errespetatu eta ez behartu». Izan ere, «gizarte hipersexualizatu batean bizi gara eta presio horrek ezinegona areagotzen du» dio erizainak. 

Autoestimuaren garrantziaz ere aritu gara; «sexualki erakargarri sentitzeak sexuarekiko gogobetetzean laguntzen du». 

Luze eta zabal aritu gara gaiaren inguruan Bigarren Kafean.