Zuzenean
«Baxoa euskaraz egiten ez uztea erabaki politikoa da, ez antolaketa edo lege kontu bat»
Seaskako lehendakari Peio Jorajuriaren esanetan, testu ofizial batean jasota dago Baxoaren zati bat euskaraz egin daitekeela baina Gobernutik ez dutenez zehaztu zein azterketa egin daitezkeen euskaraz, oraindik frantsesez egin behar dute froga Ipar Euskal Herriko ikasle euskaldunek.
«Baxoa euskaraz egiten ez uztea erabaki politikoa da, ez antolaketa edo lege kontu bat»
Beste urte batez, Baxoa frantsesez egin beharko dituzte Ipar Euskal Herriko ikasleek, nahiz eta ikasturtean zehar landutako gaiak euskaraz ikasi.
Unax Egiguren ikaslearekin hitz egin dugu asteazken honetan Filosofiako azterketa egin aurretik. Haserre eta minduta mintzatu da, euskaraz ikasi ondoren azterketak frantsesez egin behar izateagatik.
Seaskako lehendakari Peio Jorajuriak baieztatu du borrokan jarraituko dutela «debeku eta zentsura honekin» amaitzeko.
