Gipuzkoako indar bozkatuena izateko lehian EAJ eta EH Bilduri tarte txikia ematen diete inkesten. Maddalen Iriarte EH Bilduren ahaldun nagusigaiaren erronka da inguruan sumatzen duten ilusioa emaitzetan islatzea.

Gasteizko Parlamentuan EH Bilduren bozeramaile gisa aldarrikatu duena Gipuzkoan aplikagarria dela baieztatu du. Herri akordioen aldekoa da, politikan indar politiko eta eragile sozialak uztartuz, beti herritarrak erdian kokatuz. Etorkizuneko aliantzen inguruan eredu berriak aldarrikatu ditu, zehaztuz EH Bilduk, izan ezkerrera begira, izan abertzaletasuna haintzat hartuz, gehiengoak osatzeko helburua duela.