Italiako Elvenking banda izan da Burdinola saioko protagonista. Folk metal festazalearen moda iritsi aurretik erabaki zuten heavy metala eta folklorea nahastea. Ordutik, eskola propioa eraiki dute biolinaren konpainia estimatuarekin. 'Reader of the Runes, Rapture' disko berria trilogia baten bigarren atala da, eta Inaxio Esnaolari oso aproposa iruditu zaio euren istorioa kontatzeko.