Zuzenean
«Bertan bizitzeko eskubidea bermatu nahi badugu, neurriak hartu behar dira»
Ipar Euskal Herrian etxebizitzaren inguruan gero eta hedatuago dagoen arazoari aurre egiteko helburuarekin sortu zen Herrian Bizi plataforma. 40ren bat eragile sozial, sindikal eta politiko biltzen dira bertan gaur egun eta apirilaren 1erako mobilizazio egun bat antolatu dute Baionan.
«Bertan bizitzeko eskubidea bermatu nahi badugu, neurriak hartu behar dira»
Ainize Butron plataformako kidea izan da Bigarren Kafean eta «plataforman elkartzea modu kolektiboan indar handiagoa egiteko erabakia izan dela» aitortu digu. Gero eta gehiago dira turismora bideraturiko etxebizitzak eta horrek bertan bizi nahi dutenentzako eskaintza murrizten du. «Gurasoen etxetik atera nahi duten gazteek hainbaten artean alokatu behar izaten dituzte etxebizitzak, gurasoen bigarren etxeren bat ez badute behintzat». Butronek azaldu duenez, 50 metro koadroko etxebizitza batengatik 700 euro ordaindu behar da hileko Baionako Espiritu Sainduaren auzoan.
Apirilaren 1eko mobilizazio egunari begira, egun osoko egitaraua antolatu dute. Goizetik hasita ekintza ugari izango dira Baionan eta 15:00etan abiatuko den manifestazioa izango da hitzordu nagusia. Aurreko mobilizazioan 8000 pertsona batzea lortu zuten eta «kopuru hori gainditzea da helburua».
Mobilizazio egun horren ereserki modura musikari ugarik parte hartu duten abesti eta bideoklip bat argitaratu ditu plataformak. «Eskerrak eman behar dizkiegu abestian eta bideoan parte hartu duten guztiei, denbora tarte laburrean egin behar izan dutelako guztia».
Entzun Ainize Butronekin Bigarren Kafean izan dugun solasaldia.
«Hemen oso ezaguna ez den arren, neguko jokoetan kirolik jarraituena da Curlinga»
«Barrutik egindakoa da eta barruraino iristen da»
Zine gomendioak: ama-alaba harremanak eta slow cinema
«Galtzeko ezer ez izate hori ederra izaten da baina une honetan, oraingo eskarmentua hobea»
«Asierri esan diot nobela askatzeko! Zaila da nobelatik zinea egitea, lengoaia ezberdinak dira»
