«Bi-hiru astetan Kievera gerturatu, bertako gobernua eserarazi eta bake akordioren bat sinatu edo Minskeko bake-akordioak berreskuratu». Hauxe da Asier Blas politika zientzietako irakasleak 2022ko otsailean zuen aurreikuspena.

365 egun igaro ondoren egoera konpontzeko zantzurik ez du ikusten. «Hau ere gerra urtea izango da ziurrenik», onartu du Blasek. Bi aldeek ez dituztela negoziatzeko «pizgarririk» deitoratu du. Azken aukera martxoan Israelek bideraturiko bitartekaritza izan dela azaldu du, AEB eta Erresuma batuaren «sabotajea» heldu arte.