Aste honetako saioan Yves Montand kantari frantziarraren heriotzaren urtemuga gogoratuko dugu. Horretaz gain, gaurko egunekoak ziren bertze musikari batzuk ere ekarriko ditugu gogora, hala nola, Mary Travers (Peter, Paul & Mary hirukoteko kantarietako bat), Phil May (The Pretty Things taldeko kantaria) eta Tom Fogerty (Creedence Clearwater Revival taldeko gitarjolea). Gainera, Susan Tedeschi blueswomana eta Mixel Ducau musikari baionarra zorionduko ditugu. Eta urteak betetzen dituzten hainbat disko eta kantuetaz ere ariko gara.