Zuzenean
Pantaila erraldoi bat, 2200 ume eta Pepper robota
Bueltan dira ikasleak Belodromoan. Zinemaldiaren aitzakian, 2200 ume pasako dira egunero Belodromotik zineaz gozatzera. Gainera, aurten, EHUko robotikako RSAIT ikerketa taldeak ‘Terra Willy: planeta ezezaguna’ aurkeztuko baitu egunero, Pepper robot sozialaren lankidetza bereziarekin.
Pantaila erraldoi bat, 2200 ume eta Pepper robota
Hutsik egon da Belodromoa azken bi urteetan Zinemaldian, baina 70. edizio honetan, pandemia aurreko egoerara bueltatu, eta Belodromora pantaila handira itzuli da, baita, ehundaka ikastetxeetako ikasleak ere. Astetartez, 2200 ikasle inguru pasako dira Belodromotik ‘Terra Willy: planeta ezezaguna’ ikusteko. NAIZ irratiko mikrofonoari ez diote muzinik egin ikasleek eta lotsarik gabe hitz egin dute filmaren atarian eta baita ondoren ere. Filma asko gustatu zaie, baita Pepper robota ere.
Filmari aurkezpen berezia egin diote EHUko robotikako RSAIT ikerketa taldeko kideek, eta lagun berria aurkeztu: Pepper robor soziala. Pepper agertu denean, harri eta zur utzi ditu Belodromora joan diren haurrak. Hala, aurrez aurre egiaztatu dituzte Pepperren trebetasun guztiak, eta ikusi dute gizaki bat bezalaxe mintzatzen eta mugitzen dela, eta badakiela pil-pilean dauden abestiekin dantza egiten ere.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
