109. saioa Euskal Herriko material berriz kargaturik etorri zaigu, inguruotako eszena benetan osasuntsu dagoenaren seinale.

Ziburun hasi dugu gaurko saioa, Mairu proiektua ezagutuz. Euren diskoaren aurrerapena entzun dugu "Animale Heroina" izenekoa eta ziur diskoa ateratzea ere tarte gehiago izango dutela gurean.

Bilbon ere egin dugu gaur geldialdi luzea. Marlon Randomen Oramix lana, Inés izenpean Neska djak Crystal Mine zigiluan ateratakoa, Tripical Tropical bikotearen edit berria edo LTP mitikoek Belako taldeari egindako erremixa pintxatu ditugu.

Kanpora begira ere jarri gara apur batez eta Alvaro Cabana, Amber Window edo Suemori ekoizleen lanak entzun ditugu.

Saio amaieran Euskal Perla: Angel Katarainek Txoria txori kantuari eginiko bertsioa. Gozada bat!