103. saio hau ohi bezala nobedadez kargaturik dakarkigu; gaurkoan gainera bai, Euskal Herrian egindako material berri ugari ekartzea suertatu zaigu.

Bilbon hasi dugu saioa Monzi Sez dj eta ekoizlearen edit bat entzuten, eta Bilbo aldean jarraitu dugu Radithor eta Garazi Gorostia eta Myriam RZM-k osatzen duten Ertzbako proiektua entzuteko. Galleta recrds zigilu mitikotik datorkigun "Whateva" lanaren aurrerapena entzuteko parada ere izan dugu Lost Twin artistaren eskutik.

Gaurkoan ere rap apur bat izango dugu Mitto Koronkon eta Ochoa ekoizlearen lan berrien harira. Saioaren amaieran berriz, Divorce From new York Donostiarraren kantu bat entzun dugu Enlace Funk sarietarako izendatuta baitago. Zorte on!