Zuzenean
Pagolako Harreraren jaialdia eta 'Musikartzela' lana
Harrera elkarteak otsailaren 12rako Pagolan antolatu duen jaialdiaren aitzakian euskal preso eta errefuxiatu ohien sustengu lanean ari den ekimena ezagutu dugu. Gainera, Mixel Etxekopar ere gurean izan da argitaratu berri duen 'Musikartzela' lanaz hizketan.
Pagolako Harreraren jaialdia eta 'Musikartzela' lana
Euskal preso eta errefuxiatu ohien sustengu lanean aritzen da Harrera elkartea. Otsailaren 12rako elkartasun jaialdia antolatu dute puntako artistekin: Mixel Etxekopar, Gautxet, Anje Duhalde, Aitor Gorosabel eta Xabi Bastida, Amets Arzallus, Odei Barroso, Xiberoots eta Amaren Alabak. Gaualdia bera eta elkartearen lana ezagutarazteko Jokin Etxebarria izan da Etxerako Kundan.
Gainera, 'Musikartzela' liburua argitaratu berri du Mixel Etxekoparrek eta egileak berak eman dizkigu lanaren xehetasunak.
Horrez gain, euskal preso politikoentzako zorion eta agur mezuak izango dira saioan, kartzeletako aktualitatearen berri emango dugu eta Naiara Mallabiak gatibu zela torturaz idatzi zuen olerki eder bezain latza partekatuko du entzule guztiekin.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
