Transkripzioa:

Ander:
Hamabi zati hiru berdin lau. 4 bider 11 berdin 44.

Ioar:
Gabon, Ander.

Ander:
44 ken 13 berdin 31. Gabon, Ioar... 31 bider 4 berdin 124.

Ioar:
Zertan ari zara?

Ander:
Matematika eragiketa sinple batzuk egiten.

Ioar:
Ezin zorrak garbitu?

Ander:Garbitu? Hara! Guk esaten dugu: zorrak ordaindu edo zorrak kitatu.

Ioar:
Zorrak kentzeko ari al zara zenbaketan?

Ander:
Ez, ez. Zor bakarra neukan, baina ez zen diruzkoa. Pentsa!, zorra zenik ere ez nekien; joan den astean jakin nuen, barkatu zidatenean.

Ioar:
Bakea, orduan.

Ander:
Bai, amore eman nuen. Eta... 124ri sei gehituz gero, 130.

Ioar:
Amore ematea al da bakeak egitea?

Ander:
Bai, noski. Eta... hiru garenez: 130 bider 3... denera 390. Kito. Osatu dut aurrekontua. Orain bota!: zertaz hitz egin nahi didazu?

Ioar:
Bazkari berezi bat daukagu bihar.

Ander:
Nork?

Ioar:
Atzerritarrek eta bertokoek elkarrekin bazkaltzeko hitzordua dugu. SOS Arrazakeria elkarteak antolatutako Bizilagunak izeneko programa da.

Ander:
Noiz hasi zen ekimen hori?

Ioar:
Hamar urte dira aurrenekoz egin zela. Hernanin sortu zen Bizilagunak programa.

 

AUDIOA - DAMIAN

Ander:
Nongoa da Damian Pedrosa, oraintxe mintzatu den gizona?

Ioar:
Argentinan diktadura militarra agintean zegoenean, errefuxiatu gisa heldu zen.

Ander:
Beraz, Bizilagunak programaren sortzaileetako bat da.

Ioar:
Gure herrietara bizitzera etortzen dira beste kultura batzuetako jendeak. Beti ez da erraza izaten bertakoekin elkarguneak topatzea.

Ander:
Bazkaria izan liteke, bai, batzuk eta besteak elkarrekin egoteko aitzakia ona.

Ioar:
Mahai baten inguruan uste baino osagai gehiago izaten dira. Jaki eta edari ezberdinak, platerak eta tresnak, zapiak eta saskiak, esertzeko ohiturak eta jateko moduak, mintzairak eta kantuak.

Ander:
Erritu guztien artean zaharrena izango ote da bazkaria?

Ioar:
Baietz esango nuke. Nolanahi dela, nire ustez, elkarrekin jatea baino topaketa sozial ederragorik ez dago.

Ander:
Halaxe da hemen eta munduan.

Ioar:
Bazkaltzean agertzen dira bakoitzaren kulturako forma aberatsetatik batzuk: jakiak prestatzea eta eskaintzea, alde batetik; eta, bestetik, solasean gertatzen diren komunikazio zeremoniak eta ideien trukeak.

Ander:
Erantzun asmakizun honi: “Bi pertsonen arteko distantzia egokiena... zein da?”.

Ioar:
Esan zuk.

Ander:
Bi pertsonen arteko distantzia egokiena... elkarrizketa da.

Ioar:
Esaldi inteligentea! Berdin-berdin esan dezakegu orduan: Bi pertsonen arteko distantzia egokiena jakiz betetako mahai bat da.

Ander:
Horrela segituz gero... bazkalostean... bi pertsonen arteko distantzia egokiena dantza da.

Kazetaria: Euskara jator askoan ari zara baina oker ez banago Damian zu ez zara hemengoa. Ez zara jatorriz Euskal Herrikoa:

AUDIOA - DAMIAN

Ioar:
Maitemindu egin zelako da euskalduna Pedrosa.

Ander:
Beste era batean adieraz liteke horixe bera.

Ioar:Nola?
Ander:
Elkarrizketaren distantzia eta dantzaren distantzia konbinatu zituelako da euskalduna.

Ioar:
Aizu, hori ez da gaurko gaia.

Ander:
Ados. Kontatu egidazu biharko bazkariak nolakoak izango diren.

Ioar:
Enkontru modu desberdinak izaten dira. Sinpleena da, herriko bi familia bazkaltzeko elkartzea: atzerritik etorritakoa bat, eta bertakoa bestea.

Ander:
Eta familia bakoitzak bere jakiak eramango ditu?

Ioar:
Hori da asmoa.

Ander:
Koranabirus pandemiaren garaian Bizilagunak programako bazkaririk ez zen izango.

Ioar:
Parkeetan eta zelaietan antolatu ziren.

Ander:
Ondo egina.

Ioar:
Ander... irrikatan nago zuri galdetzeko... Zera... Lehen prestatu duzun aurrekontu hori... zer egiteko da?

Ander:
Datorren asteburua Lapurdin pasatuko dugu. Bide batez, Angeluko Euphrate jatetxea probatu nahi du Itziarrek.

Ioar:
Zer jaten da?

Ander:
Ez dizut esango. Sorpresa da. Etorri nahi?

Epilogoa - Beti Ikasten

Ioar:
Zer ikasi dugu gaur?
Nola esan matematika eragiketak.

Ander:
Aditzen erroak baliatzen ditugu.
Batuketak egitean GEHI esaten dugu.
Kenketak egitean, KEN.
Biderketetan, BIDER.
Zatiketetan, ZATI.

Ioar:
BERDIN hitzak ekibalentzia adierazten du.
Eta honela egiten dugu:
5 gehi 5 berdin 10
9 ken 6 berdin 3
2 bider 2 berdin 4
14 zati 2 berdin 7

Hemen entzun dezakegu Damian Pedrosari egindako elkarrizketa osoa.