Hainbat taldetan ibilitakoa da Erik Berganza, besteak beste, Estricalla formazioan. Musikari bizkaitarrak akustikora egin zuen jauzi 2017an, eta geroztik, bakarka ateratzen duen hirugarren diskoa du 2021eko hau. Abereh ezizena darabil taulagaineratzeko, eta “Joan-etorrian” lana aurkeztu digu oraingoan.

Hiru diskoak modu antzekoan sortu ditu Aberehk, baina lan bakoitzarekin osatu du bidea, “Joan-etorrian” osatzeraino. Lehenengo diskoan esperimentazio eta bat-batekotasunak leku gehiago eduki bazuten, bigarrenarekin definitu zuen bere soinua, folkerantz lerratuz.

Nola definitu zure lana? Galdera horri aurre egin behar izaten diote gure piluletako musikariek, eta oraingoan, ederki laburtu digu Aberehk.