Elkarrizketa publiko baten bidez azaldu du Sortuk presoen auzian ireki asmo duen fase berria. NAIZ Irratiko Ion Telleria kazetariak gidaturik preso guztiak kaleratzea helburu duen erronkaren xehetasunak azaldu dituzte Rufi Etxeberriak, Sorturen Gatazkaren konponbiderako arduraduna, eta Oihana Garmendiak, alderdi honen Presoen batzordeko arduraduna.

Espainiako Estatuaren kasuan EPPK-ko 185 presoetatik 168 modu batera edo bestera kalea zapaltzen egon beharko liratekela nabarmendu dute, «134 hirugarren graduan egon beharko lirateke, kondenaren edia bete dutelako, eta horietako 63 baldintzapeko askatasunean egon beharko lirateke, hiru laurdenak bete dituztelako». Zigorrik luzeenak dituztenen kasuan «kaleratze aurreratuak» eskatu dituzte, «justizia trantsizionala ardatz». 

Sorturen Iratzar aretoan eskainitako elkarrizketan Aieteko Konferentziatik hona izan diren aurrera eta atzera pausoak gogoratu dituzte Etxeberria eta Garmendiak; EPPK-k garatu duen dinamika eta estatuek ezarritako muga eta oztopo berriak. 

Elkarbizitzarako ezinbesteko baldintza da Sorturen ustez preso guztiak kalean izatea.