Aurretik hainbat proiektutan aritu ostean, 2019an bakarkako ibilbidea hastea erabaki zuen Estitxu Pinatxok, eta 'Haize Gorri Batek' izeneko lana argitaratu zuen, Joxerra Mitxelena, Txema Garces eta Mikel Santxezekin batera. Zazpi abestiko diskoa da, auto ekoiztua, non Estitxuren ahotsaz gain, pianoa, bateria eta gitarra elektriko goxo bat entzuten ditugun.

Bigarren Kafearen elkarrizketa akustikoetara gonbidatu dugu, eta hizketan ez ezik, kantuan ere aritu da.