Zuzenean
Durangoko azoka inoiz baino hurbilago
'Zu non, han DA!' ekimena iragarri berri dute Durangoko Azokako antolatzaileek. Egungo murrizketak medio, gutariko askok Durangora gerturatzerik izango ez dugunez, Durangoko Azoka gure herrietara gerturatzeko helburua duen ekimena da. Jon Arriaga ekimenaren koordinatzailea izan da kultur tartean.
Durangoko azoka inoiz baino hurbilago
Durangoko Azoka Euskal Herri osora zabalduko da 'Zu non, han DA' ekimenaren bidez. Ekimenaren koordinatzailea Jon Arriaga izan dugu lagun kultur tartean eta azaldu digunez, bi adar nagusi izango ditu: bata plaza eta bestea azoka.
Plaza, euskal herriko 8 herri ezberdinetan egingo diren 32 kontzertuek osatuko dute. Ibilbide luzeko taldeek eta hasi berriekin osatutako askotariko eskaintza izango da herri horietan abenduaren 4tik 8ra bitartean. Sarrerak Durangoko Azokaren webgunean eskuratu ahal dira.
Bestetik, azokaren luzatzea dator. Abenduaren 4tik 8ra bitarteko azoka, aurtengoan digitala izango da, baina abenduaren 9tik urtarrilaren 8ra bitartean, Euskal Herriko hainbat liburu dendetan Azokako produktuak eskuratzen jarraitzeko aukera izango dugu.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
