Azken asteetan Nagorno-Karabajen inguruan gatazka biziagotu da Armenia eta Azerbaijan artean. Astearte honetan ezagutu da akordioa lortu dutela aldeek, baina ez da ondo hartua izan armeniarren artean, dozenaka herritarrek Parlamentua hartu baitzuten itunaren osteko protestetan. 

Egoera «etsigarri» horren argazkia baieztatu du Karlos Zurutuza kazetariak; azken egunetan bertan da gatazkaren azken ordukoa jarraitzen. Testigantza berezi bat ere ekarri du irratira: Beirutetik zonaldera joana den Elenarena. 17 urtez egon zen Elena Euskal Herrian bizitzen; ederki menderatzen du gaztelera, eta hunkituta azaldu duenez, «oso triste daude, baina bizitzak aurrera egiten du». Esker hitzak izan ditu Euskal Herriako elkartasunagatik.