Zentsura, erregimen frankistaren parte izan zen. Zineman eta literaturan hasieratik hagitz serio hartu bazuten ere, musikarekin ez zen halakorik gertatu. Ez behintzat 1960ko hamarkadara arte. Orduan ohartu ziren musikak jendartearengan zuen eraginaz, musikak adierazteko eta mezuak zabaltzeko zuen balioaz.

Berrogeita hamarreko hamarkadaren erdialdean, binilozko lehen diskak kaleratu ziren Espainian, musikaren merkatua irauliz honela. Disko haiek Gerra Zibilaren eta Bigarren Mundu Gerraren ondorengo jendartea nola aldatu zen adierazten zuten sinbolotzat har daitezke. LP-ak, aparatu erreproduzitzaileak, irratiak, lehen irrati-saio eta aldizkari musikalak...

1966tik aintzinera,  Manuel  FragaInformazio  eta  Turismo  ministro  izendatu ondotik,  Prentsa  eta  Inprenta  Lege  berri  bat  aldarrikatu  zuenean, atzera  pausua  izan  zen.  Zentsura musikala 60ko eta 70eko hamarkadetan gauzatu zen batez ere.

Kantu asko dira frankismoan zentsuratu zirenak. Euskaldunak, Espainian egindakoak edo atzerrikoak.