Musikaren panoraman ezinbesteko aldizkaria da 'Mondo Sonoro' eta horren euskal edizioa da Zarata. Euskal musikaren espektro zabalena hartzen dute beren baitan eta azken tendentziak zeintzuk diren ezagutzera ematen saiatzen dira ia mende laurdeneko ibilbidean.

Iker Bárbara da egun aldizkariaren arduraduna eta astero-astero 'Zarata express' atalean biltzen dituzten albisteen laburpen bat ekarriko digu MusikHaria saiora.

Lehen tartean Baiona-Iruñea-Bilbo ibilbidean bidaia bat egiteko proposamena egin digu musikarekin. Lau musika talde ekarri dizkigu:

– Orbel - Itsaso hilak
– La Red Bullet - Maybe out there
– Cecilia Payne - Away
– Haxotz - Higiduraren lehen legea

Musikaz beti ere errazago bidaiatzen da, ezta? Datorren astean gehiago!