Zuzenean
Disko berria kaleratzear dira G.A.Z. Limbo taldekoak
Lekeitioko trap egileak dira G.A.Z. Limbokoak. Beti esan izan dute musika iluna egiten dutela, baina MusikHaria saioan egin duten bisitan argi ikusi dugu ilunetik baino gehiago dutela argitik. Umoretsu izan dira gurean, 'Deathorkizuna' lana kaleratzeko gutxi falta zaienean.
Disko berria kaleratzear dira G.A.Z. Limbo taldekoak
'Beste Bat' saioak egin zituzten abuztuko astelehenetan G.A.Z. Limbo taldekoek eta «oso ongi pasatu» dutela esan digute. Metal musikaren influentzia zutela ere aipatu digute. «Umetan, bost urterekin, 'Slipknot' entzuteak eraginik izango du gure musikan ziurrenik» kontatu digute MusikHarian.
Letra azidoak egiten dituzte, umoretik eta mezu zuzenekin, baina trap musikan ohikoak diren hainbat elementu kontuan hartuta. Pandemia garaian ez dira geldirik egon eta EP bat edo beste kaleratzeko aukera izan dute. Dena dela, proiektu potoloagoa izan dute eskuartean eta, ostiral honetan, irailak 18, argia ikusiko du 'Deathorkizuna' beren lan luzeak.
Lana iritsi bitartean, hemen daukazue G.A.Z. Limbokoak hobeto ezagutzeko aukera.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
