Hizkuntza Eskubideen Behatokiak «agortutzat» eman ditu Mendigorrian D eredua ezartzeko auzian bide administratibo guztiak, eta horregatik, bide judizialari ekitea erabaki dute. Agurne Gaubeka zuzendaria izan dugu asteazken honetan horren inguruko zehaztasunak ematen; kontatu du Nafarroako Hezkuntza Departamentuak Hezkuntza Mapa erabiltzen duela behin eta berriz aitzakiatzat, baina bere ustez, beste arazo bat dago honen guztiaren atzean: «Euskararen Legeak ez ditu Nafarroan euskaldunon eskubideak bermatzen».

Prozesuaren xehetasunak ezagutu ditugu bere hitzetan, baita epaiketaren gastuei aurre egin ahal izateko ‘Mendigorriako Euskararen Hazia’ diru bilketa kanpainaren berri ere.