Igone Mariezkurrena
Ithaka2
Filipinak, Taiwan, Japonia, Hego Korea eta Hong Kong... autoestopez!

Bertako hizkuntzaz, txanponaz eta deusetaz ezer jakin gabe lur hartu zuen Marta Rosetek Filipinetan. Han hasi zen bere bost hilabetetako abentura. 

Loading player...
2020/06/28

Marta Rosete gasteiztarrarekin hitz egin dugu; bidaiari trebea eta trebatua da Marta, asko bidaiatu du azken lau urteotan. Baina bada abentura bat berak bereziki gogoan duena, autoestopez egin zuen lehena delako, eta gainera irlarik irla ibili zelako. 

Bertako hizkuntzaz, txanponaz eta deusetaz ezer jakin gabe lur hartu zuen Martak Filipinetan. Eta handik, Filipinetako Itsasoa zeharkatuta, Taiwan irlaren erdigunera mugitu zen, 3.000 metroko mendiak igotzera. Txankletak eta pareoa soinean iritsi zen goi-mendiko aterpetxe batera, eta hala ere gai izan zen gailurrera heltzeko! Gero Japoniako Okinawa uharte paradisiakoan eman zituen  hiru aste,  palmondo eta ur turkesetako hondartzetan.  Japonia turistiko eta ez turistikoa ezagutu zituen. Eta, handik,  Hego Koreako He Hu irlara mugitu zen. Tifoiek behartuta utzi zuen uhartea eta, bidaia borobiltzeko, Hong Kong ezarri zuen helmuga. 

 

ERLAZIONATUTAKO ALBISTEAK

FM Bilboaldea 92.2 · Gasteiz eta Lautada 91.5 · Donostialdea 93.8 · Durango 97.4 · Gernika 96.7· Leitza 95.1 · Bortziriak 103.1 · Urola 91.8 · Goierri 102.2 · Legazpi 94.6
@NAIZIrratia