Maddalen Aristegi Sanchez eta Ane Narbarte Lasa gonbidatu ditugu 'Bigarren Kafea' hartzera. Hitza eta irudia batuta, biek osatzen dute 'Loregorri' hilerokoaz zabal hitz egiteko gunea. Ziklo menstruala bere osotasunean kontuan hartzearen garrantzia azpimarratu digute, gorputz bakoitzak bere moduan bizi baitu. Autoezagutza hori lantzeko oso lagungarria izan daiteke ziklograma, alde soziala, fisikoa eta emozionala erregistratzen dituen egunerokoa.

Gorputzak hitz egiteko erabiltzen dituen moduak errazago identifikatzeko hainbat kasu aipatu ditugu, estresari loturikoak gehienak. Erreparatzen ez badiegu, «kuku goxoak», «muturreko» bihurtzeko arriskua dago.