Ezin egonkorturik jarraituko du eguraldiak. Goizean giro lasaia izango dugu. Hodeiak eta ostarteak izango ditugularik lurralde osoan. Orokorrean erdi eta goi-mailako hodeiak izango dira eta ateri eutsiko dio.

Eguerditik aurrera mendi-inguruetan bero-hodeiak garatzen hasiko dira eta ekaitzetarako joera hartuko du. Zaparradak lurralde osoan emango dira, baina ugarien eta mardulen lurraldearen ipar-ekialdean botako du. Zehazki Gipuzkoa eta Nafarroa erdi eta ipar-partean(Pirineoak barne).

Azken-azken orduetan mendebaldetik atertuko du, baina Pirineo inguruan eztu erabat atertuko.

Haizeak goizean hego-mendebaldetik joko du. Arratsaldean berriz ere ipar-mendebaldera aldatuko da ipar-isurialdean. Hego-isurialdean hegotik geratuko da.

Tenperaturei dagokienez, kosta partean 19-20°C-tan geratuko dira maximoak; Kantauri isurialdearen barnealdean 19-20°C-tan; Araban beheraxeago geratuko dira, 17-18°C-tan; Nafarroa erdialdean 19-20°C-tan; eta tenperatura maximoak Erribera inguruan emango dira, non bertan 20-22°C-tan joko duten goia.