Zuzenean

Iker Ibarluzea

Ekainak 2, asteartea

Audio_placeholder

Ekainak 2, asteartea

Loading player...

Giro ezegonkorra izango dugu, baina ekaitzak ez dira protagonista izango. Goizean berriz ere giro lasaia izango dugu. Kosta partean behe-hodei batzuk agertuko dira eta barnealdean behe-laino pixka bat ere. Baina orduak aurrera joan ahala, soilik goi-hodei batzuk ikusiko ditugu.

Arratsaldeko lehen orduan bero-hodeiak garatzen hasi eta ekaitzetarako joera txiki bat hartuko du. Ekaitzak orokorrean nahiko sakabanatuak izango dira eta gehienbat barnealdeko mendi-inguruetan emango dira, aukera handiagoz Nafarroan. Puntualki mardul xamar bota dezake, baina orokorrean intentsitate txikikoak izango dira. Ez dirudi ipar-isurialdera iritsiko direnik.

Egun amaieran giroa lasaituko da eta azken orduan kosta partean behe-hodei batzuk agertuko dira.

Haizeak goizean aldakor xamar ibiliko da. Eguerdi aldera ipar-ukitua hartuko du ipar-isurialdean, hego-isurian hego-ukitu bat hartuko duelarik. Hala ere, orduek aurrera egin ahala lurralde osora zabalduko da ipar-haizea. Azken orduetan aldakortuko da berriz.

Tenperaturak antzeko balioetan mugituko dira atzokoekin alderatuz. Kosta partean maximoak 23-24⁰C-tan geratuko dira; kantauri isurialdearen barnealdean 24-27⁰C-tan; Araba eta Nafarroa erdialdean 26-28 ⁰C-tan eta tenperatura altuenak Erriberan emango dira non bertan maximoek 26-30⁰C bitartean joko dutelarik goia.

Jaurlaritza Logoa