Palermoko portuan ez aurrera ez atzera utzi dute Aita Marri ontzia. Bertako eskifaiako kidea da Izaskun Arriaran eta salatu du «beste neurri bat gehiago» dela itsasontziek erreskate lanetan jardun ez dezaten. 

Dokumentazio guztia zuzen dutela azaldu du eta «oso detaile txikiak» direla ontzia inmobilizatzeko Italiako agintariek baliatu dituzten argudioak. 

Egoera ikusirik, Euskal Herrira itzuli ahal izatea eskatuko dute orain, eskatzen zaiena etxean errazago kudeatu ahalko dutelako. 

Migranteen egoera «oso gogorra» dela naarmendu du, «abisuak iristen dira, eta ez dute inolako laguntzarik. Malta, gainera, bi edo hiru ontzirekin jendea itzularazten ari da. Egoera zaila da eta ez dugu hobekuntza handirik egongo denik ikusten».