[ERREPORTAJEA] Radio Paris; askatasunaren uhinak

40ko hamarkadako oroitzapenak baditu Kontxita Beitiak. Umea zen aita eta amarekin batera, afalostean «ixil-ixilik eta bolumena baju» zegoela irrati hura entzuten zuenean. Hiruzpalau urtetatik entzuten zuela oroitzen du. Hantxe ziren, uhinen beste aldean Aita Olaso edota Salvador de Madariaga. Atzerritik Espainiara eta bereziki, askotan, Euskal Herrira emititzen. 

Loading player...
Bigarren Kafea|2020/04/24
Joxean_hernandez_radio_paris
Radio Paris. Joxean Hernandezen ilustrazioa.

Oroitzapen biziak dira Beitiarentzat eta belaunaldi haietako beste askorentzat. Irrati hark esperantza suposatu zuen, eta baita askatasuna ere. Aberri Egunean Lehendakari Agirre entzun zutela, Paristik, Aita Olasok Britainia Handitik helarazten zituela bere grabazioak frantziara... Horrelakoak eta bestelakoak ere badira bere testigantzen artean. Bizilagunek entzun eta salatuko ote zituzten beldur izaten zirela, euskaldunon artean elkar salatzea zein ohikoa zen... Etxean umetatik politikaz hitz egin ziotela dio Kontxita Beitiak, eta baita eskertu ere. Erne bizi izan da, eta bizi da, gaitasun kritikoa inoiz galdu gabe. 

FM Bilboaldea 92.2 · Gasteiz eta Lautada 91.5 · Donostialdea 93.8 · Durango 97.4 · Gernika 96.7· Leitza 95.1 · Bortziriak 103.1 · Urola 91.8 · Goierri 102.2 · Legazpi 94.6
@NAIZIrratia