Tessa Andonegik idatzitako eta zuzendutako fikzio sonoroa duzue hau. Maribi eta Amaia lagunak dira eta super merkatu batean egiten dute lan. Pandemiaren krisiak bete-betean harrapatu ditu, funtsezko langile bihurtu ziren baina inor ez da beraiekin gogoratzen. Umorerik ez da falta Maribi eta Amaiaren egunerokoan.

Lehendabiziko denboraldia: Supermerkatuko heroiak

2020ko martxoan super merkatuko Maribi eta Amaia kajera bikotea, funtsezko langile bihurtu zen beraien ardura ez en pandemia baten ondorioz. Haien profesionaltasunari eta lan onari esker, berehala irabazi zuten planetako kajera onenen titulua. Zorionekoa zu kutxan tokatzen bazaizkizu.

Lagunak dira Maribi eta Amaia, bai, eta langile profesionalak ere bai. Baina abuztua da, eta luze doa pandemiaren krisia... laneko estresa ez dute berdin kudeatzen, ez alajaina

Bigarren denboraldia: Txiringitoan

Konfinamenduan ez zen txalorik egin supermerkatuetako kajerentzat, baina aski mereziak zituzten. Iazko udan ezagutu genituen Amaia eta Maribi, biak kajerak, oso lagunak baina ezberdinak zeharo: gaua eta eguna. Bata infusioen yonkia, bestea suzko bola bat, amorratuta zeharo.

Bizitza erabat aldatu zaio baina, Amaiari. Herentzia bat jaso eta txiringito bat ireki du hondartzan.