'Folklore' deitzen da Duplaren lehen lana. Hain zuzen ere, kontzeptu hori birdefinitzeko ahalegina egin du bikote aguraindarrak aurkezpen EP honetan. Bost kantuz osatutako EPa plazaratzeko, euskarri bitxia asmatu du bikote aguraindarrak: goxoki musikadunak diseinatu dituzte, Duplatxusak. Goxokien estalkian QR kodea jarri dute, eta sakelako telefonoarekin irakurrita, webgunean entzun edo deskarga daitezke kantuak.