Urtarrilaren 17a egun handia izaten da Getarian. Getariako Txakolina Lurralde Izendapenaren barruan dauden 22 ekoizlek uzta berria aurkezten dute. Herriko plazara hurbiltzen direnek txakolin berria probatzeko aukera izaten dute, baita herriko produktu gastronomikoak dastatzeko ere. Eguneko egitarauaren berri ematen izan da Ruth Mozo, lurralde izendapeneko idazkaria, Informazioaren Harian.

Jai jendetsua izaten dela adierazi du Mozok, «1.200 kopa inguru jartzen ditugu salgai, eta jendea ohartzerako gastatu egiten dira». Gastronomiaren eta euskal kulturaren alde egiten duten eragileak saritzeko ere aprobetxatzen dute eguna. Aurten saria jasoko dutenak Ander Gonzalez sukaldaria eta Gabriel Uriarte nutrizionista dira, EITBko ‘A bocados’ programako aurkezleak.

Txakolinaren aurtengo uztaren balorazioa positiboa dela adierazi du lurralde izendapeneko idazkariak. Aurtengoa kalitate oneko txakolina dela adierazi du, beste urteetan baino graduazio apur bat altuagokoa, «otorduetan, txakolina arrainari laguntzeko ezinhobea da», hor gomendioa.

Txakolina eta sagardoa Gipuzkoan ikur direla gaineratu du eta horregatik bi produktu hauen aldeko apustua sendotu egin behar dela. Merkatua oraindik gehiago hobetu daitekeela uste du.