«Zirkua umeei eskainitako ikuskizun bat zela uste zuten askok, eta hori apurtu nahi izan dugu»

Iker Galartza Poxpolo eta Mokolo-rekin eta ondoren Poxpolo eta konpainia taldearekin 20 urtez aritu da Poxpoloren pertsonaia egiten, han eta hemen bere umore eta alaitasuna zabaltzen. Horrela, 2017an Luxenburgon karpa bat erosi eta Gure zirkua sortu zuen. Joseba Usabiaga izan du bidelagun, On Martin aurkezlearen papera egiten. Elkarrekin -eta beste hainbat artistekin- Euskal Herriko txokoak bisitatzen aritu dira, lehen euskal zirkoarekin gozatzeko aukera eskaintzen.

Gure zirkua Tolosan egongo da igandera arte eta bertan murgilduta, gaurko atsedena aprobetxatuta, tartetxo bat ere eskaini digute Iker Galartza eta Joseba Usabiagak.