Arkitektura ez da hormak altxatzea soilik. Ingurua begiratzea, klimari entzutea eta leku bakoitzak eskaintzen dituen aukerak ulertzea ere bada. Hala ulertzen dute lana Beran kokatutako Mugara estudioko kideek. 

«Arkitektura egiteko paisaiatik edo klimatik ikasten badugu, lanean ariko gara dagoeneko gure artean ez dauden pertsonek jarritako harriekin», esan digu Ander Rodriguez estudioko kideak. Aurreko belaunaldien jakintza aintzat hartzea eta inguruneari entzutea funtsezkoak dira haien lanean. Sormena ulertzeko moduak ere badu berezitasunik: «Haurren begirada edukitzea gustatzen zaigu, inozentziatik eta jakinminetik». 

Arkitekturaz aritu gara Ander Rodriguezekin Bigarren Kafean.